Një ngjarje e rëndë ka ndodhur në Brazil, me protagonist një polic, që ka qëlluar me armë në këmbë portierin e një ekipi.
E gjitha ka ndodhur kur po luhej ndeshja e Divizionit të Dytë brazilian, mes ekipeve të Gremio Anapolis dhe Centro Oeste.
Futbollistët u përleshën me njëri-tjetrin dhe policia ndërhyri për të qetësuar situatën.
Por, ajo që ndodhi ishte e tmerrshme.
Një nga policët qëlloi me armë portierin e Gremios, Ramon Souza.
Skuadra ka reaguar në rrjetet sociale, duke thënë se akti i policit ishte i tmerrshëm, nga dikush, që në të vërtetë duhet të mbronte lojtarin.
Klubi tha se do e ndjekë rrugën e drejtësisë për plagosjen e portierit.
