Protestuesit u kanë vënë flakën dhe disa makinave të bashkisë së Tiranës të cilat po pastronin në Rrugën e Durrësit.
Gazetari i A2 CNN Igli Çelmeta raporton se e gjithë Rruga e Durrësit është e shkatërruar në një skenë lufte ku çdo gjë digjet dhe e pushtuar nga tymi e flakët. Qytetarët e kësaj zone po largohen për shkak të tymit e flakëve.
Qytetarët shprehen të revoltuar për shkak të djegies dhe shkatërrimit të bizneseve dhe dyqaneve aty pranë.
