Marjana Koçeku, deputetja që u largua nga grupi parlamentar socialist për të dalë e pavarur, është parë në protestën e sotme mbarëkombëtare para Kryeministrisë.
Prania e “Neomalësores” në ditën e 21-të të protestës, vjen në një ditë kur kryeministri Edi Rama mbajti një mbledhje të grupit parlamentar.
Sipas burimeve nga A2CNN kur kreu i grupit parlamentar Taulant Balla ka nisur të flasë për Marjana Koçeku, kryeministri Edi Rama, ka kërkuar që kjo çështje të mos diskutohet fare brenda mbledhjes së grupit. Pas largimit nga PS Koçeku u shfaq në mbështetje të protestës në rrjetet sociale. /A2
