Një aksident me tre automjete është shënuar pak minuta më parë në fshatin Moravë, Berat. Raportohet për dy persona të lënduar, të cilët janë transportuar me urgjencë në Spitalin Rajonal të Beratit për trajtim mjekësor.
Aksidenti ka shkaktuar radhë të gjata trafiku. Ndërkohë, policia dhe grupi hetimor ndodhen në vendngjarje për të zbardhur rrethanat dhe shkaqet e përplasjes.
