Nëna e 39-vjeçarit, Xhuljano (Marjus) Miho, i cili mbrëmjen e 5 korrikut vrau me thikë Xhimi Bakajn në lagjen “11 Janari” në Fier, i ka shprehur ngushëllimet familjes së të ndjerit teksa ka fajsuar ish-nusen e saj për ngjarjen.
“Asaj nënë i kërkoj lutje, falje me dorë në zemër ngushëllime të sinqerta. Por djalin s’ta vrava unë, s’ta vrau djali im, ajo i përdori të dy djemtë”, i drejtohet ajo me një mesazh nënës së viktimës.
Në emisionin “Me zemër të hapur” në News24, nëna e autorit të krimit u shpreh se viktima “u mor në qafë ajo vajzë”, referuar ish-bashkëshortes së Xhuljanos, e cila pasi ishte ndarë nga 39-vjeçari kishte nisur lidhje me viktimën dhe ishte shtatzënë me këtë të fundit.
Ish-vjehrra e 27-vjeçares, e cila kishte 3 fëmijë me Xhuljano Mihon, tregoi se nusja kishte qenë e martuar për 2 vite me një tjetër person teksa ka treguar momentin kur është përballur në rrugë me viktimën rreth dy muaj para vrasjes.
Pjesë nga rrëfimi i saj:
“E rriti me mundime, e bëri djalë 2 metër, jo për ta futur në dhe’, por për ta gëzuar ajo nënë, për të krijua familje që meritonte, jo një nuse që kishte qenë 2 vite e martuar me burrin e parë dhe pastaj 9 vite me djalin tim dhe pastaj shkoi tek Xhimi. Pse e mori Xhimin në qafë ajo vajzë, pse e mbuloi me të zeza atë familje, pse me dorën e djalit tim.
Është dhimbje e madhe për ne sa të jem gjallë. Asaj nënë i kërkoj lutje, falje me dorë në zemër ngushëllime të sinqerta. Por djalin s’ta vrava unë, s’ta vrau djali im, ajo i përdori të dy djemtë. Me viktimën jam përballur 2 herë, më 15 maj më ka nxjerrë burri dhe djali sepse kam probleme shëndetësore.
Viktima na del përpara tek Prefektura, në njërin krah kisha djalin dhe në krahun tjetër kisha burrin, i tha djalit “Pse më ke sharë mbrëmë? Jo i tha djali ku të kam sharë? Më tha ajo që ke sharë kur erdhe të takoje fëmijët.
Siç kisha dorën e kapa për krahu dhe i thashë “Mor bir, ti merre gruan me 3 fëmijë, i prishe familjen, edhe mbase të ka sharë’. Një shok i tij vinte me makinë vërdallë, i thashë ‘me këtë që bëj, do të lajmëroj policinë’.
Më tha “Unë në polici ju fus që të mos shikoni dritën e diellit me sy”. I thotë bashkëshorti “Nuk jemi për këtë punë, e more gruan e tij, ta gëzosh, na lër të qetë.” Ne u ndamë me të dhe ikëm, shkuam në lokal dhe biseduam, kaq mbaroi.”
