Një qendër e re e dedikuar zhvillimit të fëmijëve vjen në qytetin e Fierit. Bright Steps ABA Center synon të ofrojë mbështetje të përshtatur për fëmijët e moshës 0–6 vjeç, duke krijuar një ambient të ngrohtë, të sigurt dhe stimulues, ku çdo fëmijë mund të zhvillojë aftësitë e tij sipas nevojave dhe ritmit individual.
Qendra ofron një sërë shërbimesh që synojnë të mbështesin zhvillimin e komunikimit, aftësive motorike, ndërveprimit social dhe pavarësisë së fëmijëve në aktivitetet e përditshme.
Shërbimet që ofron Bright Steps ABA Center:
- Terapi ABA: Mbështetje për zhvillimin e komunikimit, vëmendjes, ndërveprimit social dhe aftësive funksionale.
- Terapi okupacionale: Aktivitete për përmirësimin e koordinimit sy-dorë, aftësive motorike fine dhe pavarësisë në jetën e përditshme.
- Aktivitete sensoriale: Eksplorim shqisor dhe zhvillim i aftësive përmes lojës dhe aktiviteteve praktike.
- Terapi grupi: Mundësi për të nxitur bashkëpunimin, socializimin dhe ndërveprimin me bashkëmoshatarët.
- Parent Coaching: Udhëzim dhe strategji praktike për prindërit, me qëllim mbështetjen e zhvillimit të fëmijës edhe në ambientin familjar.
Përmes lojës së strukturuar, aktiviteteve praktike dhe programeve individuale, Bright Steps ABA Center synon të nxisë kreativitetin, komunikimin, aftësitë e përditshme dhe pavarësinë e fëmijëve.
Filozofia e qendrës mbështetet te ideja se çdo fëmijë është unik dhe ka nevojë për vëmendje, përkushtim dhe mbështetje të përshtatur me nevojat e tij.
Bright Steps ABA Center – Çdo hap i vogël është një arritje e madhe!
📍 Adresa: Fier, Shqipëri
📩 Kontakt: Instagram – @brightsteps_
